နှစ်ကူးည

နှစ်ကူးညကတော့ မယ်ကိုးနဲ့ Mr Bean အဖြစ်မှာ ခပ်ဆင်ဆင်သာဖြစ်ပါတယ်။ သူ့ထက်ပင်သာနိုင်သေးတာ အ်ိမ်ပြောင်းလိုက်ရတာ။

ပစ္စည်းတွေနေရာချအပြီး ဒီလိုနဲ့ တစ်ယောက်တည်းအခန်းမှာ အရုပ်နဲ့ အိပ်ပျော်သွားတော့ နှစ်ကူးသွားမှန်းပင် မသိလိုက်။ new year messages တွေ ရောက်လာမှ ဝမ်းနည်းဝမ်းသာဖြစ်ရ။

(အိမ်ကူးပြောင်းပေးသော အစ်မ၊ သူငယ်ချင်းနှင့် ကိုဇက်ကို အထူးကျေးဇူးတင်ပါတယ်။)

Birthday Blues

Marriage blues ပဲ ကြားဖူးပြီး birthday blues လို့ ကိုယ့်ဘာသာကင်ပွန်းတပ်တယ်လို့ အထင်ရောက်နေဆဲ ထိုစကားလုံးအမှန်ပင်ရှိကြောင်း တွေ့ရလေတာ။

မွေးနေ့နားနီးလာပြီ။ အမှန်ပင် စိတ်ဓာတ်ကျနေသည်။ ဆယ်ကျော်သက်မဟုတ်တော့ပေမယ့် အိပ်မက်တွေက ဘာမှ မပီပြင်သေး။ ဒီအချိန်မှာ ဘာဖြစ်နေရမယ်လို့ စိတ်ကူးယဉ်ခဲ့တာ ဟာသဖြစ်နေပြီ။

ခုပင် သေလိုက်ချင်လည်း ကိုယ့်နောက်ပါမယ့် ကုသိုလ်က မယ်မယ်ရရမရှိသေး။ အကုသိုလ်တွေက ထောင်ချီစုမိနေပြီ။နောက်ဘဝရောက်ဖို့လည်း သိပ်မလိုတော့ဘူး ထင်သည်။

စကားကြုံလို့ ပြောရရင် အသက်လမ်းကြောင်းက တိုတိုလေးပဲ ရှိလေသည်။ ငယ်ငယ်ကတော့ ဒီအရွယ်သေမယ် မှန်းဆသည်။ ခုချိန်တော့ နောက်ဆယ်နှစ်လောက်တော့ မျှော်လင့်ပြန်သည်။ ငယ်ငယ်က အမေ့ကို ဟောသည့် ဗေဒင်ဆရာစကားကိုလည်း ယုံနေပြန်သည်။

ဒီလို သေအကြောင်းပဲ ရင်ထဲစွဲလို့ တရားရသလားဆိုတော့ မဟုတ်ပြန်... အိုမှာတော့ အလွန်စိုးလေရဲ့။

ရယ်လိုက်ရင် ညာမျက်လုံးထောင့်စွန်းမှာ စပါးလုံးတစ်ထောက်စာ အရေးအကြောင်းလေး ပေါ်လာတာကို သေမလောက်စိုးကြောက်သည်။ ဘယ်ဘယ်မျက်လုံးမှာ ဘယ်တော့ပေါ်လာမလဲ ကြည့်ရသည်က စိတ္တဇ။ ဒီလိုအရေးအကြောင်း မပေါ်လို့ ရုပ်က နုငယ်နေသလားဆိုတော့ မဟုတ်ပြန်။ ရင့်ရော်အိုစာသည်မှာ အလွန်အမင်း။

တကယ်တော့ မွေးနေ့နီးလို့ ဖြစ်သည့် စိတ်ဆင်းရဲက သေမှာကြောက်လို့ မဟုတ်ဘဲ အိုလာတာကို လက်မခံချင်တာသာ။ ခက်တယ်။ ဒါနှင့်ပင် သေတော့မှာ။ သေနယ်ထဲ ခြေတစ်လှမ်းရွေ့နေတာ ဒါပေမယ့် ခုထိ ရူးချင်ယောင် ဆောင်နေတုန်းပဲ ရှိသေးရဲ့။

ပိန်ချင်တဲ့ ရောဂါ

မိန်းကလေးတွေရဲ့ အပျော်ဆုံးအချိန်က ကိုယ့်ထက်ဝသူကို မြင်တဲ့အချိန်ပဲ ဆိုတဲ့ ဟာသကို မိန်းကလေးတွေပဲ ခံစားရယ်မောတတ်မှာပါ။

အရပ်နဲ့ အလေးချိန်ကို အချိုးချတဲ့အခါ normal weight ထဲမှာပဲ ရှိပေမယ့် ဝတယ် ပြည့်တယ်လို့ သတ်မှတ်နိုင်ပါတယ်။ တစ်ချို့က မဝပါဘူးလို့ နှစ်သိမ့်ကြပေမယ့် အစာအိမ်ရောဂါနဲ့ ပိန်တာ ဘယ်ဟာရွေးမလဲလို့ မေးစရာမလိုအောင် အလွန့်အလွန်ပိန်ချင်တဲ့ ရောဂါစွဲနေတာ ကြာပြီလေ။

Detox ဆိုတဲ့ detoxification ဟာ စုမိနေတဲ့ မလိုလားအပ်တဲ့ အဆိပ်အတောက်တွေကို သန့်စင်ရှင်းလင်းပေးသလို အကောင်းဆုံးအဆီချနည်းလို့ ထင်မိပါတယ်။ မြန်မာလို ရေးထားတဲ့ Detox အကြောင်းကို (http://ourhealthcorner.blogspot.com/2010/06/detox.html) http://ourhealthcorner.blogspot.com/ မှာ ဖတ်မိတော့ ပိုလို့ စမ်းကြည့်ချင်သွားတာ။

ဒါနဲ့ အင်တာနက်မှာ 3 days, 7 days, 2 weeks, 1 month Detox diet တွေကို ရှာလိုက်တာ စာမျက်နှာ သုံးဆယ်လောက် ခေါင်းကို မူးနောက်သွားလို့ နောက်ဆုံးတော့ အမြန်ဆုံးစမ်းသပ်ဖို့အတွက် သုံးရက်နည်းကို ပဲ ရွေးလိုက်ပြီ။

နောက်ရက်ရှည်ဝင်ဖို့တော့ အစီအစဉ်ရှိသား။ ဇယားလေးက ရှင်းရှင်းလင်းလင်းနဲ့ အာဟာရတွေကို ရှာကြည့်တော့လည်း သဘောတွေ့မိရဲ့။ စမ်းကြည့်ဦးမယ်ကွယ် =)

( http://www.the-detox-diet.com/article/3-day-detox-diet.htm)

3 Day Detox Diet Sample Eating Plan

3 day detox diet - day 1:

On Rising	glass of water, cup of dandelion tea.
Breakfast	apple, live yoghurt.
Snacks	pumpkin seeds.
Lunch	vegetable soup made by peeling and chopping a mix of carrot, parsley, leek, tomato, onion, and garlic, plus herbs of choice, and cooking with water or home-made vegetables stock (no salt) to cover until tender then blending until smooth.
Snack	orange, sunflower seeds, aloe vera juice.
Evening	red pepper, cucumber and herbs (e.g. chives, parsley, dill, tarragon), salad with olive oil dressing and a small portion of organic poached salmon.

3 day detox diet - day 2

On Rising	water with fresh lemon juice.
Breakfast	blueberries and live yoghurt.
Snacks	walnuts.
Lunch	fresh fruit salad with sunflower seed and tahini paste.
Snack	apple, cup of dandelion and burdock tea.
Evening	vegetable soup as Day 1.

3 day detox diet - Day 3

On Rising	freshly squeezed fruit juice or a fruit smoothie.
Breakfast	fresh fruit salad with sunflower seeds.
Snacks	almonds.
Lunch	tomato, cucumber and herb salad with a small piece of grilled fresh tuna, or some live yoghurt for dessert of some fresh nuts with your salad.
Snack	apple, cup of green tea.
Evening	large mixed leaf salad with olive oil and balsamic vinegar dressing and live yoghurt.

တစ်ခါက ပုံပြင်

credits: jhelie1

( လာလည်တဲ့အခါ ဘာစာမှ မရေးနိုင်တာ အားနာလို့ သီချင်းလေး တင်ထားတာပါနော် ... သည်းခံပေးပါ လူကလေးနဲ့ ညီမလေးငုဇာ :P )

“ ငါးပုံပြင်”

သံသရာတစ်ကွေ့မှာ ကလေးလေးနဲ့ ငါးဟာ မရည်ရွယ်ဘဲ ကြုံဆုံမိကြတာ။ ကစားစရာအသစ်ရသွားတဲ့ ကလေးလေးဟာ အထပ်ထပ်တေးဆိုပြီး ငါးကို မှန်အိမ်ထဲထည့်တယ်။ ငါးကလေးဟာ ဒီသီချင်းဟာ သူ့အတွက်သာ ရည်စူးဆိုတာလို့ ထင်နေသတဲ့။ ကလေးလေးက စကားလာပြောတိုင်း သူ့ကို အရေးတယူရှိရှာတယ်လို့ ကြည်နူးရှာတယ်။ ချောင်ထဲက ငါးမို့ ဝန်းကျင်မှာ ငါးလှလှလေးတွေ အလှမွေးထားမှန်းလည်း မသိရှာပါဘူး။

ဒီရယ်စရာဇာတ်လမ်းဟာ ကလေးလေးက ငါးကို စွန့်အပြီးမှာ ဖြစ်ရပ်မှန်ကြေကွဲခြင်းနဲ့ ထိပ်တိုက်တိုးပြီလေ။ ကလေးလေးက ပြောသေးတယ်။ “ မင်းကို လွတ်လပ်ခွင့်ပေးလိုက်ပြီ။ ပျော်သလိုနေပေတော့ ... ” တဲ့။ ငါးမှာ နားမရှိပါဘူး။ ဒါပေမယ့် သူကြားခဲ့တယ်။ပြီးတော့ သူမယုံဘူးတဲ့လေ။
သူ ကို မစွန့်ပါနဲ့ ... လို့သွေးရူးသွေးတန်းတောင်းပန်ရှာတယ်။

ချောင်လေးထဲမှာပဲ အေးအေးဆေးဆေးသူနေပါ့မယ်။ကလေးလေး တစ်ခြားငါးတွေကို ကြည်နူးခွန်းဆိုနေချိန်မှာလည်း ငြိမ်ငြိမ်လေးမလှုပ်ရှားပါဘူးလို့ အခွန်းထပ်ဆိုပေမယ့် ကလေးလေးက ငြီးငွေ့သွားပြီ။ မမြင်ချင်တော့ဘူးတဲ့လေ။

ဒီလိုနဲ့ ရင်ကွဲနာကျသွားတဲ့ ငါးဟာ အသေလို မြစ်ထဲမျောတယ်။ အလွမ်းဒဏ်နဲ့ မလှုပ်မရှက် ရိုရိုသေသေဆုတောင်းတယ်။ ကလေးလေးကို မြင်ရနိုး သေဘေးကို မကြောက်ဘဲ မြစ်ဦးမှာ တိတ်တိတ်လေး စောင့်တယ်။ ဒါပေမယ့် ပျော်စရာတွေ များပိုင်တဲ့ ကလေးလေးဟာ မြစ်ကမ်းကို ခြေဦးမလှည့်တော့ဘူးရယ်။

နောက်ဆုံးမှာ ပြင်းဟုန်ရှနေတဲ့အပူကို ပျောက်လိမ့်နိုးနဲ့ ငါးဟာ မြစ်ဖျားပေါ်တက်လာတယ်။ ကြောက်ရွံတတ်လွန်းပေမယ့် ကလေးလေးအရိပ်ကို မြင်ချင်ဇောနဲ့ သေလုအောင် နာလိမ့်မယ်ဆိုတာ သိလည်း မကြောက်မရွံအမြင့်ကြီးပျံတက်လို့ ကုန်းပေါ်ရောက်ဖို့ ကြိုးစားပြီလေ။

ပထမ သူ့အရေပြားတွေ ပွန်းပေါက်ပဲတယ်။ နားလွန်းလို့ တစ်ဆတ်ဆတ်တုန်နေတဲ့ ငါးဟာ မြစ်ထဲ ပြန်ပြုတ်ကျသွားတယ်။ဒါပေမယ့် ကလေးလေးအရိပ်ကြောင့် နောက်တစ်ခေါက်ကြိုးစားမိပြန်တဲ့အခါ သူ့အသားတွေ ပြတ်ကွဲရှကုန်တယ်။ ဒီလိုနဲ့ မေ့မျောရင်း ရေထဲ ပြန်ရောက်သွားပြန်တာ။

ဟုတ်ပါတယ်။ မယုံနိုင်ဖွယ်ပါ။ ကလေးလေးအပြုံးကလွဲလို့ ကျန်တဲ့အရာကို အမှတ်မရှိတဲ့ ငါးရယ်လေ။ နိဂုံးမှာတော့ သူ့အရိုးတွေ ကြေကာ သွေးတွေ အန်ထွက်တယ်။ ကလေးလေး အရိပ်ကိုလည်း မမြင်ရလိုက်ပါဘဲ သေငင်ဇောမှာ ဘာဆုမှလည်း မတောင်းနိုင်ခင် အသက်ပျောက်ရှာလေတာ။

လူတွေကြားတော့ ရယ်ကြတယ်လေ။ ကလေးလေးကလည်း ဘေးလူတွေရယ်သလို လိုက်ရယ်တယ်။ ပြီးတော့ “ဒီလောက်ဥာဏ်နည်းလှတဲ့ ငါး သေတာတောင် နည်းသေး ” ဆိုပဲ။ နှလုံးသားပဲ ရှိတဲ့ငါးပါ လို့ ချေပပေးမယ့်သူ မရှိဘူး။ ငါးမှာ ကလေးလေး တစ်ဦးတည်းသာ တွယ်တာခဲ့တာပါ ဆိုကာ ထုချေလွှာ တင်ပေးသူ မရှိဘူး။

ဒီလိုနဲ့ လျှောက်လဲချက် မပေးနိုင်ဘဲ မျက်လုံးပွင့်လျက် သေနေတဲ့ငါးကို ဝမ်းသာအားရ ရင်ခွဲကြလေရဲ့။
အဲဒီမှာ ငါးရဲ့ရင်ထဲက ရွှေရောင်ဝင်းလက်နေတဲ့ အရာလေးကို တွေ့ရှိသွားခဲ့တာ။

အမြုတေဆိုပဲ။
အလုအယက်ယူကြ။လုယက်ကြ။
နောက်ဆုံးမှာ သူတို့ဟာ အမြုတေစစ်မစစ် စမ်းသပ်ကြတယ်။

အမြုတေလေးကို ဓားနဲ့ခုတ်တယ်။ မလွဲပါဘူး။နာလွန်းလို့ အမြုလေးက ကလေးလေးကို တပြီး ကြူကြူပါအောင် အော်ရှာတယ်။သေနတ်နဲ့ပစ်တယ်။ ဗဟိုမှတ်ကို တည့်တည့်ထိပါတယ်။ အမြုတေလေးကတော့ ပဲ့မထွက်သွားပါဘူး။ကြေကွဲလွန်းလို့သာ ကလေးလေး ရေလို့ ခြောက်ခြောက်ခြားခြား ညည်းရှာတယ်။

ဒါပေမယ့် အမြုတေမဟုတ်မှန်း သိသွားလည်း လူတွေက လွှင့်မပစ်ပါကြဘူး။ အံ့သြလွန်းလို့တဲ့။ ဓားခုတ်ရာ တစ်ချက်ခံရတိုင်း ဒီကျောက်ခဲလေးကထွက်လာတဲ့ အသံကို ထူးထူးဆန်းဆန်းကြားချင်လွန်းလို့ အခါခါထိုးခုတ်ကြရင်း ကြာလာတော့ ပျင်းစရာကောင်းလှတယ်ဆိုကာ အမြုတေလေးကို ပြတိုက်ဆီ ပို့လိုက်ကြတယ်။

ယနေ့ထက်တိုင်လေ ။ လာသမျှဧည့်သည်တွေဟာ အမြုတေလေးရဲ့ အသံကို ကြားချင်လွန်းလို့တဲ့ ... ကြာပွတ်တံနဲ့ ရိုက်နှက်နေကြဆဲ။
တကယ်တော့ အမြုတေလေးရဲ့ “ကလေးလေး ... ကလေးလေး ... ” လို့ တမ်းတခေါ်သံကို အဆန်းတကြယ် မရှိသင့်ပါဘူး။
ဒီအမြုတေလေးဟာ မငိုတတ်တဲ့ ငါးတစ်ကောင်ရဲ့ သိုသိုဝှက်ဝှက် မျက်ရည်တွေနဲ့ ဖွဲ့တည်ခဲ့တာရယ်။


( လူကလေး tag တဲ့ ပုံပြင်လေးကို လူကလေးနဲ့ ညီမလေး nguzar ကို ပြောပြတာပါ။ ပုံပြင်လေးကတော့ ဒီမျှပါပဲကွယ် ...)

“ ဆေးလွင့်ပုံရိပ်”

ဘယ်လိုမှ မယုံကြည်နိုင်အောင် မျှော်လင့်မထားဘဲ တွေ့ရှိခဲ့ကာ ပြန်တမ်းတတိုင်း ကြည်နူးမဆုံးဖြစ်စေခဲ့တဲ့ ဓာတ်ပုံလေးနဲ့ မိတ်ဆက်ပေးချင်ပါတယ်။

ပထမဆုံးမိတ်ဆက်ပေးချင်သူက “ ဖေဖေ”လို့ ကျွန်မ တစ်ခါမှ မခေါ်ဘူးတဲ့ အမျိုးသားပဲ ဖြစ်ပါတယ်။
ကျွန်မ အမေနဲ့ ဆွေးမျိုးများက ရုပ်ဆိုးအကျည်းတန်လှတယ်လို့ ပြောကြတဲ့ ဖေဖေဟာ ကျွန်မအမြင်မှာ ခန့်ထည်ကြည့်ကောင်း နေပါတယ်။ ချစ်သောမျက်စိနဲ့လို့ ညွှန်းကြမယ်ဆိုရင် ဖေဖေ့ကို ချစ်လားဆိုတဲ့ ခံစားမှုဟာ ကျွန်မ မခွဲဖြာနိုင်တဲ့ ပုစ္ဆာဖြစ်ပါတယ်။

“ သမီးအဖေအကြောင်း မပြောချင်ဘူး”
“သမီးဘဝမှာ အဖေမလိုဘူး ။ အမေတစ်ယောက်တည်းနဲ့ ပြည့်ပြည့်စုံစုံထားနိုင်တယ်” ဆိုတဲ့ စကားလုံးတွေနဲ့ ပုံသွင်းခံခဲ့ရသူပါ။
ကိုယ့်ထက်ပညာတတ် ထက်မြက်တဲ့မိန်းမကြောင့် အဖေရဲ့ မာနကို ထိခိုက်ခဲ့လေသလား။ မနာလိုသွေးဆိုးကြတဲ့မိန်းမဖက်က ဆွေမျိုးတွေကို မကြည်ဖြူနိုင်ခြင်းဟာ အဖေရဲ့ရွေးချယ်မှုလား။

လူတကာတွေ ဘယ်လိုသွေးထိုးလည်း အဖေ့ကို ကြည်ညိုမပျက်ဖို့ သမီးအတတ်နိုင်ဆုံးကြိုးစားပါတယ်။
ဒါပေမယ့် သမီးကို အဖေဘာလို့ တစ်ခါလေးပင် လာမတွေ့ရတာလဲ။

ဓာတ်ပုံကိုကြည့်မိတိုင်း ရင်ထဲမှာ စူးလာကာ မျက်ရည်ရစ်ဝိုင်းလာ။ဒါပေမယ့် ကျွန်မ ကြည်နူးတယ်။ မေမေ့ကို ဖေဖေနဲ့ တွဲဖက်မြင်ရတယ်။မေမေကလည်း ပုံထဲမှာ ပြုံးနေတယ်။

မွေးကင်းစရက်ပိုင်းလေးမှာတင် ကျွန်မကို တနယ်တကျေးက အဘွားလက်ထဲအပ်ကာ အဒေါ်တွေလက်မှာ ကြီးပြင်းခဲ့ရသူကျွန်မအတွက် အမေဆိုတာလည်း ဖမ်းဆုပ်ရခက်ခဲတဲ့ ပုံရိပ်သာ ဖြစ်ပါတယ်။
“ သမီးကို မလေးမွေးထားတာ မဟုတ်ဘူး။ အန်တီကမှ အမေအရင်း” ဆိုတဲ့ အဒေါ်တစ်ယောက်ရဲ့ စနောက်စကားကို သိသိကြီးနဲ့ ယုံဖို့ ကြိုးစားဖူးသလို သူက ငါ့အမေရင်း မဟုတ်ဘူး ငါ့မိဘရင်းတွေက တစ်နေ့ပြန်လာခေါ်မှာလို့ အဖြစ်မှန်ကို လှည့်စားကာ စိတ်ကူးယဉ်ခဲ့ဖူးပါတယ်။

“ သမီးတို့ ပညာရေးအတွက်” ဆိုတဲ့ အကြောင်းပြချက်နဲ့ တာဝန်ကျရာဒေသတွေမှာ နေထိုင်ပြီး တစ်နှစ်ကို တစ်ကြိမ်သာတွေ့ဖြစ်တဲ့ မေမေ့ပုံလေးကိုကြည့်ကာ အမြဲခေါ်ဝေါ်ချင်လွန်းလှတဲ့ နာမ်စား မေမေလို့ရင်ထဲက တိုးတိတ်ရွတ်ဦးမယ်။
ပြီးတော့ အမေ့ကို အဒေါ်တွေခေါ်သလို မလေးလို့ ခေါ်ဝေါ်ကာ “မလေး သမီးကို ချစ်လား”လို့ ဘယ်တော့မှ ဖွင့်မဆိုဖြစ်တဲ့စကားကို ဓာတ်ပုံလေးကြည့်ကာ မေးမိဦးမယ်။

ဒီလိုဒဏ်ရာတွေ အနည်းငယ်ပြေလျော့လာရင်တော့ ဖေဖေ့လက်ပေါ်မှ ချစ်စဖွယ်ကောင်းလွန်းလှတဲ့ ကလေးမလေးကို ကြည်နူးစွာ ကြည့်မိဦးမယ်။
ပညာတတ်မိန်းမနဲ့ ပစ္စည်းရှိရွက်ကြမ်းရေကျိုဘွဲ့ရ ယောက်ျားတစ်ယောက်ရဲ့ မြေစာပင်တစ်ခုထဲက လှပသန်းစွမ်းတဲ့ ပန်းကလေးတစ်ပွင့်ဟာ ကျွန်မရဲ့ အစ်မ ဖြစ်ပါတယ်။
ရင်ထဲက ခံစားချက်တွေကို သိုဝှက်ထားတတ်ကာ ကျွန်မထက်ခံနိုင်ရည်ကောင်းသလို ကုသိုလ်ကံလည်း ပိုကောင်းသူ အစ်မဟာ ဖေဖေ့လက်ပေါ်မှာ ပြုံးရွှင်လို့နေပါတယ်။

သက်နှောင်းစနေဖြစ်နေပေမယ့် စနေဂြိုဟ်မွှေတာ။ကျွန်မကြောင့် အိမ်ထောင်ရေးပြိုကွဲရတာဆိုတဲ့ ခဏခဏရေရွတ်ခံပြီး ကြီးပြင်းခဲ့ရသူကျွန်မကလည်း ဓာတ်ပုံလေးထဲမှာ ပကတိပြုံးရယ်နေတာကြောင့် ဒီဓာတ်ပုံလေးကြည့်တိုင်း ကျွန်မမှာ အလိုအလျှောက်ပြုံးမိတာ။ ဒါပေမယ့် ကျွန်မရဲ့ ပျော်ရွှင်မှုတွေဟာ ဘယ်တော့မှ သက်ဆိုးမရှည်တာ အစဉ်အလာဖြစ်ပါတယ်။

“ ဒီဓာတ်ပုံ ဘယ်က ရတာလဲ ” ဆိုကာ အဒေါ်ငယ်က ပြန်သိမ်းသွားတဲ့အခါ သူဖြဲဆုပ်ပစ်လိုက်ပြီလား။ ဖျောက်ဖျက်ပစ်လိုက်ပြီလား လို့ပင် ကျွန်မ မမေးတော့ပါဘူး။ မသိချင်တော့ပါဘူး။
ဝမ်းနည်းနာကျင်မှုမြောက်များစွာထဲက အသေးငယ်ဆုံး အစိတ်အပိုင်းလေးသာမို့ ဒီဓာတ်ပုံအကြာင်းလေးကို မေ့မေ့ပျောက်ပျောက် ဖြစ်လို့ပင် နေခဲ့ပါပြီ။ …။


(လူကလေး tag လို့ ရေးဖြစ်တဲ့ ငယ်ဘဝတစ်စိတ်တစ်ဒေသလေးပါ။ စာလေးမကောင်းခဲ့ရင် သည်းခံပေးပါဦးလို့။ )

“ ပြစ်မှု”

ထက်ပိုင်းကျိုးအိပ်မက်တွေနဲ့ လူပါ။

ဘယ်လိုလဲကွယ်။
အနက်ရောင် မျက်လွှာမဆောင်ထားခဲ့လည်း
ရှုထောင့်လွဲမိတဲ့အခါ
စည်းမျဉ်းနဲ့လှမ်းရိုက်ပြန်....

ရောင်ခြည်တော်စက်ဝန်းထဲ ခိုလှုံခွင့်မရသူပါ။
သပွတ်အူတိမ်တိုက်မှာ
အတင့်အတယ် မနေတတ်တဲ့အခါ
ဖမ်းဆုပ်နည်းလေး သင်တန်းပေးမယ်တဲ့လား။

ဟင့်အင်း။

ဖြတ်သွားဖြတ်လာ
စာနာမှုလေး
လက်ဖြန့်မတောင်းနိုင်လို့
ရင်ထဲကိုပဲ မီးထပ်ရှို့ပါရစေ။

အထုံရေစက်ဆိုတာ အနတ္တသဘောပဲမို့
လက်လွှတ်ထွက်ပြေးတဲ့
ကံကိုလည်း မစောင့်တော့ဘူးရယ်။

ဒီလိုနဲ့ ကျွန်မ ဒီမှာရပ်နေပါတယ်။
အသေတစ်ဝက်နဲ့။
ကောင်းကင်အကျိုးနဲ့။ ....။



ကိုအယ်ကို tag လို့ ဘဝအကြောင်းရေးဖြစ်သွားတဲ့အတွက် ကျေးဇူးအထူးပါ။ အားပေးခဲ့ ချစ်မလေးလသာညနဲ့ ညီမလေး nguzar ကြောင့် စာလေးတွေဆက်ရေးဖြစ်သွားတဲ့အတွက်လည်း ကျေးဇူးအထူး =)